Pangnirtung

Panniqtuuq inilik 50 kilaamitat tahamanga Ukiurtaqtup Kikligiyanit ataani kingait taphuma Panniqtuuq Kangiqhukyuaq, tahamanilu ungalaani haniani Cumberland Sound tariunga. Tamna maniliurut ilalik pitquhit niqikhaqhiurniq niqikhaqtarniq angunahuarniqlu, maniliuqtut havakhutiklu huliniit. Taphuma nunaliuyup angunahuaqvi iqalukhiuqvilu inai ungahinilgit 150 kilaamitat talvanga Panniqtuuq tamaitnut turaqninut, ilautitlugu tamna Cumberland Sound tariunga. Tuktut, nattiit, tamanlu ukiuqtaqtumi iqalukpit tapkuat pinariniaqpat niqit piqaqnit taphumunga nunaliuyuq kihimik ahii ukiup ilaani piqaqnit, tapkuatut nataqnait, aqilgit, mitiit, nannut, aqayait, ukiuqtaqtumi ukalrit, anmumayut, tapkuatlu qakuqtut qinalugait atuqpiaqmiyut.

Una Taryup Hinaagut Utiqtittinahuaqtangit Ilitquhirnut Nunavunmi (CRN) qaujihaqatigiiktut pulaaqhimajut nunalingni uvani March 2018-mi. Havaqatigini ilauyut atuqtat piqatauni nunauyanut havaqatigikniq tapkununga Angutikhaliqiyit, Hamlatkut havaktit, Inutuqat, ahiilu piqaqnit atqutit, katitiqni takuyauyut tariup hinaani nakuunit allanguqnilu tariup hinaa qanuritnit. Piqatauyut piqaqtitiyut tamaitnik tuhagakhat takupkaqni uumani nunauyaq.

Atuqniqpat uqauhiuni pityutit ilalagit piyaqaqnia naunaiqni tapkuat atuqniqhat kuugait atqutauyut tikittaqnianut huvviuqvit inait, iqalukpiit haviktakhai tapkununga 10 tahiit, tamna hapumminia hakugiknialu atuqniqpar nayuqtauvaktut maniliurutit iqalukpiit hinaanilu nataqnait iqalukhiuqnit. Nunalikni ilauyut hatqiqtitaukmiyut apiqutit tapkununga ahianguqni taqhai tipailu iqalukpiit, ihumagiyauyuq talvangaunia ilagiaqni iqalugaqpaluktut uuumani uumayut niqigivaknit, tamnalu aktuania turaqtitni utiqtitnit ahiinut uumayut.

Nunalikni hinaani ilitquhinut utiqtitni hivulliutyaqnit ilalgit nakuuhivalliqni tikilaqni apqut ukiumut nataqnait iqalukhiuqni, uigunia tamna tikittaqvia apqut tahamuuna hinaagut aturniqpat iqalukhiuqvi inait; uukturaqnilu tuqunaqni pihimania uvilulgit iqaluit kangiqhukmi.

Ilitpalliqnianik taphumunga Panniqtuuq, qaritauyakkuqlugu pigiyavut naunaiyainiq havanguyut.

Pitaqnianut una nunauyaq, pulaqtut angiqhimayut pigiyaptingnut Maligait Atuqninut.

+ Hivitunia atuqnia:

Tamna CRN Tuhagakhaq Angmaqvia hatqiqta tuhagakhaq qaliriknit pituqanit pingahuanitlu piqaqvit. Pigaluaqtitlugu CRN pihimayai tamaita naamaktumik pinahuaqni atuqpiariangi nalaumani tuhagakhat, titiratuqat tuhagakhat hatqiqhimayut pitagainut apiqhuqtauyunit; CRN piniranguitai havariyai kitutliqak ulamniqhimayut. Tuhagakhat qaliriktitaqni ahityiqtitariaqangittut, nuktiraqtuq, atuqtauyuq uvaluniit atuqtuagauyuq. Hivuani, titiraqhimayuq pilarut tapkunanga CRN piyalik hivuani qaritauyamit piniahaqlugu, uuktutauni uvaluniit atuqnia tamna ungahiktiginia tuhagakhaq. Turaqvigilugu ilanga havaqatigiyapta tuhaqpaliriami.

Tamna tuhagakhaq kivgaqtutaukaphuktuq takupiluknia pivigiyani pinirangittuqlu nunaliuyuq kititauninut. Taimaittumik, una tamatkiunagittugaluaq kititauninik tamaita tariup hinaani pityutit tahamani nunatagauyumi. Tapkuat tuhagakhat pigiyauyut nunaliuyunut tapkuatlu apiqhuqtauyut piqaqtitiyut tuhagakhanik atuqtaulaittutlu tamaitnut uvaluniit ilainanut titirangitkaluaqhugit pilarutit tapkunanga CRN uvaluniit anliaknut nunaliuyumun. Atuqnia tuhagakhat himautaungittut maligaqnut uvaluniit nakuamun piyaqaqnit uqaqatigikniqmun. CRN havaktut hapummiyangi, ihuaqhihimani, titiraqni atuqatigiknilu tuhagakhat ihuaqutikhainut Nunavummiut.

Una tuhagakhaq itiqvia piqartuq katihimaninik ilihimani 160 ayyikkutaittut Inutuqait, angunahuaqtit ahiilu tariup hinaani piqaqnit atuqtit. Taiyavut tapkuat titiraqtut “qauyimayiuyut” ilitturini tapkuat ayuitnilgit havariyamingni, taimatuttauq naunaiyaiyitut. Ilitturiyavut quyagiplugitlu tamaita qauyimayiuyut pinnariyauninut ikayurutai havanguyumun atuinaqnilu nuktiraqni pitquhit nunaliknilu ilihimanit tahamani nunatagauyumi.

+ QANUQ ATURIAKHA UNA NUNAUYAQ

Tapkuat Titiqat Hunauni Uuktutalu: Talvani qulaani haumikhiq tiqitquani nunauyap takuviani, takuniaqtat naqitvia piqartuq taphuminga [»] naunaipkutaq. Naqitlugu una naqitakhaq, tamna Titiqat ilavalliqniaq. Takuniaqtat titiqat nunauyat qaliriknit, atuni titiqvilgit tamnalu [>] naqitakhaq. Tamna titiqvik pipkalaqtatit niruaqhiniq uvaluniit ahivaqnia niruagaq qaliriktunit takukhauninit. Tamna [>] naqitakhaq attaqtuhivalliqniaqta qaliriknit naunaipkutai. Uukturautit hunat aryaluktunguqni piyaqaqtitatit qagligiaqpalliqni takukhauyangit. Tamna Qangattaqhimayunut Piksat qaliriktitnia kihimituaq qaliriktitnia tikkuaqtaungittuq aatumatikmin. Niruaqlugu titiqvia pilalirianga tamna Qangattaqtihimayuq Piksa qaliriknia. Takukhautingittanga tamna Titiqat, naqitlugu tamna [«] naqitakhaq talvani qulaani taliqpia tiqitquani taphuma Titiqat takukhauvia.

Aularuta: Talvani qulaani haumikhiup tiqitquani naunauyaq takuviani naniniaqtat ilagit 3 naqitvikhat: qagligiaqlugu [+], angilraq [ ], ungahikhivalliqlugulu [-]. Tamna qagligiaqrut ungahikhivalliqlugulu naqittakhat ahianguqniagat attaqtunia nunauyap takuyaunia, tamnali angilraq naqittakhaq ihuaqhitqikniaga naunauyap attaqtunia. Naqitqiktaqhugu inaa nunauyami qagligiaqniaq inaanut. Hanimuktuhigiaqnia tautuknia, tigulugu nuhuktuqlugu (naqitlugu nuktiraqlugu) nuktiraut uvaluniit aktuqtaut nuktiraut tahamuuna nunauyakut.

Nuititaqnia tautukvia: Ilai atuqtakhat tapkunani nunauyaqmi ilagiktitaqtut. Naqitkukni atuqtakhaq (naunaipkutaq), hatqiqtitaut tautukvia takutitniagatit tuhaqpaligakhanik turangayut taphumunga atuqtakhamun.

Qinqilugu nunaliuyuq: Ataani uuma nunauyap atatyutai atuni nunaliuyunut. Tapkuat nunaliuyut ilagiktitauyut aulattivinut nunaliit avikhimani. Naqittugu tamna [+] naqitkahaq haniani atuni nunaliit avikhimanini, tapkuat nunalit atii hatqiqniat. Nalunaitkutaq: Tuhagakhat ilainut nunaliuyut tatya pilaittut.

Qinqilugu nunaliuyuq

KITIKMEOT

Gjoa Haven | Iqaluktuuttiaq | Kugaaruk | Qurluqtuq | Taloyoak

KIVALLIQ

QUKIQTAALUK