ᓴᓂᕋᔭᒃ
ᓴᓂᕋᔭᒃ ᓯᑯᓰᓚᕐᒥᐅᑦ ᐃᒪᖓᓐᓂ ᓴᓂᓕᖃᖅᐳᖅ ᑲᓇᖕᓇᖔᖓᓂ ᐃᓗᐃᓪᓕᖅ ᓄᕗᐊᕐᔪᒃᔪᐊᕌᓗᖕᒥ. ᐃᒪᖓ ᐊᕙᓗᓯᔪᖅ ᕼᐋᒻᓚᐅᔪᒥ ᐆᒪᑦᑎᐊᕆᓐᓇᖅᑐᓂ ᐃᑲᔪᖅᓱᐃᔪᓂ ᐊᒥᓱᓂ ᐊᐃᕖᑦ, ᓇᑦᑎᑦ, ᕿᓚᓗᒐᖅ (ᑑᒑᓕᒃ) ᐊᓪᓚᙳᐊᖅ, ᖃᑯᖅᑕᖅ ᕿᓚᓗᒐᖅ, ᐊᒻᒪᓗ ᐊᕐᕕᑦ ᐅᓄᕐᓂᖏᓐᓂ. ᓄᓇᖃᖅᑎᐅᔪᑦ ᐃᖅᑲᓇᐃᔮᖃᖅᐳᑦ ᐊᔾᔨᒌᙱᕈᓘᔭᖅᑐᓂ ᐃᖅᑲᓇᐃᔮᓂ, ᐃᓚᖃᖅᑐᒥ ᐳᓚᕋᖅᑐᓕᕆᓂᕐᒥ, ᐊᒻᒪᓗ ᐃᓚᐅᖃᑕᐅᓪᓗᑎᒃ ᐱᖅᑯᓯᑐᖃᖅᑎᒍᑦ ᑮᓇᐅᔭᓕᐅᕐᓂᐅᔪᒥ ᐊᒻᒪ ᓂᕿᒃᓴᓂᒃᑐᓄᑦ ᓂᕿᓪᓚᑦᑖᓂ. ᓄᓇᓕᐅᔪᖅ ᐊᖑᓇᓱᖕᓂᕐᒥ ᐊᒻᒪ ᐃᖃᓗᒐᓱᖕᓂᕐᒥ ᐃᓂᐅᔪᖅ ᐅᖓᓯᖕᓂᖃᖅᐳᖅ 600 ᑭᓛᒥᑐᐸᓗᖕᒥ ᐅᐊᖕᓇᒥ ᓂᒋᕐᒧᑦ, 400 ᑭᓛᒥᑐᓂ ᑲᓇᖕᓇᒥ ᐱᓇᖕᓇᒧᑦ ᐃᓚᖃᖅᖢᓂ: ᓯᑯᓰᓚᕐᒥᐅᑦ ᐃᒪᖓᓐᓂ ᐊᒻᒪ ᐅᐊᖕᓇᖏᑕ ᐃᓚᖓᓐᓂ ᓯᑯᓯᓚᕐᒥᐅᑦ ᐃᓯᕐᕕᐊᓂ, ᐊᐅᒃᑲᓐᓂᕐᔪᐊᖅ, ᐊᒻᒪ ᓂᒋᕐᒥ ᐱᓇᖕᓇᒥ ᐃᓚᖓᓐᓂ ᐃᑲᕋᓴᐅᑉ ᐃᒪᖓᓐᓂ ᐊᒻᒪ ᐊᑯᓕᖕᒧᑦ.
ᓄᓇᓕᖕᓂ ᐅᑎᖅᑎᑦᑎᓂᒧᑦ ᓯᕗᓪᓕᐅᑎᔭᐅᖁᔭᐅᔪᑦ ᑭᒡᓕᓯᓂᐊᕐᓂᕐᒧᑦ ᑲᑎᙵᓂᐅᔪᑦ ᐳᓚᕋᓚᐅᖅᐳᑦ ᓄᓇᓕᖕᓄᑦ ᒫᔾᔨ 2018-ᒥ. ᐱᓕᕆᖃᑎᒌᒃᑐᑦ ᐃᓚᐅᑎᑦᑎᖃᑦᑕᓚᐅᖅᑐᑦ ᑲᑎᖃᑎᒌᖕᓂᒃᑯᑦ ᐅᑯᓂᖓ ᐊᖑᓇᓱᒃᑐᓕᕆᔨᒃᑯᓐᓂᒃ, ᕼᐋᒻᒪᓚᒃᑯᑦ ᐃᖅᑲᓇᐃᔭᖅᑎᖏᓐᓂᒃ, ᐃᓐᓇᑐᖃᕐᓂᖅ, ᐊᒻᒪᓗ ᐊᓯᖏᓐᓂᒃ ᐱᓇᓱᖃᑦᑕᖅᒥᔪᓂᒃ ᐊᑐᖅᑕᐅᔪᓐᓇᖅᑐᓂᒃ, ᑲᑎᖅᓱᐃᓪᓗᑎᒃ ᑕᑯᔭᐅᖃᑦᑕᕐᓯᒪᔪᓂᒃ ᓯᒡᔭᐃᑦ ᖃᓄᐃᑦᑑᓕᕐᓂᖏᓐᓂᒃ ᐊᒻᒪᓗ ᓯᒡᔭᐃᑦ ᐊᓯᙳᖅᐸᓪᓕᐊᒍᑎᖏᓐᓂᒃ. ᓄᓇᙳᐊᒦᑦᑐᑦ ᐃᓚᐅᖃᑕᐅᔪᓄᑦ ᑲᑎᑕᐅᕙᓪᓕᐊᓯᒪᔪᓂᙶᖅᑐᑦ.
ᐱᖓᓱᑦ ᐊᖏᓛᖑᔪᓂ ᐃᓱᒫᓘᑕᐅᔪᓂ ᐅᑯᐊᖑᕗᑦ: ᑰᖑᔪᑦ ᐃᒃᑲᓐᓂᖅᓴᐅᓕᖅᐳᑦ, ᐆᒪᔪᐃᑦ ᓅᑉᐸᓕᐊᔪᑦ ᐃᑎᓂᖅᓴᒧᑦ ᐃᒪᕐᒧᑦ, ᐊᒻᒪᓗ ᓴᖑᓂᐅᔪᒥ ᐊᓄᕆᐅᑉ ᑐᕌᕐᓂᖓᓂ. ᑕᒪᒃᑭᑦ ᑰᑦ ᐃᒃᑲᓐᓂᖅᓴᐅᓕᕐᓂᖏᓐᓂ, ᓄᑖᓂ ᐅᔭᖅᑲᓂ ᑕᑯᔭᐅᕙᒃᖢᑎᒃ ᐊᕐᕌᒍᑕᒫᒥ. ᐃᖃᓪᓕᐊᕐᓂᖅ ᓱᓕ ᐱᐅᒐᓗᐊᖅᑎᓪᓗᒍ ᐊᒻᒪ ᐊᒥᐊᖅᑐᖅᐸᒃᖢᑎᒃ ᐃᖏᕐᕋᓂᕐᒧᑦ ᐃᓂᐅᔪᒧᑦ, ᑭᓯᐊᓂ ᖃᔭᕆᐊᑦ ᓄᓇᒧᑦ ᐊᐳᓲᖑᕗᑦ ᑕᑉᐸᐅᖓ ᑰᓕᐊᕋᓱᐊᖅᖢᑎᒃ. ᖃᑯᖅᑕᖅ ᕿᓚᓗᒐᑦ ᐅᖓᓯᒃᓯᕙᓪᓕᐊᕗᑦ ᑭᓯᐊᓂ ᑕᐃᒪᓐᓇᑎᒋ ᐅᓄᖅᑎᒋᕗᑦ. ᐱᔾᔪᑕᐅᔪᓂ ᐅᑯᓄᖓ ᐊᓯᔾᔨᕈᑕᐅᔪᓄᑦ ᐃᓚᖃᖅᐳᑦ ᐃᒪᑦ ᐃᒃᑲᒃᑎᑉᐸᓪᓕᐊᓂᖏᓐᓂ ᐊᒻᒪ ᐊᖏᒡᓕᒋᐊᖅᑐᒥ ᐅᒥᐊᕐᓂ ᐃᖏᕐᕋᓂᐅᔪᓂ. ᓴᖑᓂᖃᕆᕗᖅ ᐊᓂᕈᑉ ᑐᕌᖓᓂᕆᔭᖓᓂ ᐅᐊᖕᓇᒥ ᐱᓇᖕᓇᒥ ᐅᐊᖕᓇᒧᑦ, ᐱᑎᑦᑎᔪᒥ ᓯᑯᑦ ᓯᒡᔭᒧᐊᖅᐸᖕᓂᖏᓐᓂ.
ᓄᓇᓕᖕᓄᑦ ᐳᓛᖅᑎᓪᓗᑕ ᑐᐊᕕᕐᓇᖅᑐᕈᔪᖕᓂ ᓄᓇᓕᖕᓂᑦ ᐋᖅᑭᒃᓱᖅᑕᐅᔭᕆᐊᓕᖕᓂᒃ ᓇᓗᓇᐃᖅᓯᓚᐅᙱᑦᑐᑦ. ᑭᓯᐊᓂᓕ, ᒪᓕᒃᖢᒋᑦ ᐊᓯᖏᑦ ᖃᐅᔨᓴᕈᑎᕕᓂᐅᔪᑦ ᓯᒡᔭᓂᒃ ᐱᐅᓯᒐᕚᓪᓕᖅᑎᑦᑎᓂᕐᒧᑦ ᓯᕗᓪᓕᐅᑎᑕᐅᔪᓂᒃ ᐃᓚᖃᖅᑐᑦ ᑮᓇᐅᔭᓕᐅᕐᓂᖅᒧᑦ ᐱᕙᓪᓕᐊᔪᓕᕆᓂᕐᒥᒃ ᖃᐅᔨᓴᕐᓂᖅ (ᓲᕐᓗ, ᕿᓚᓗᒐᐃᑦ ᑑᒑᖏᓐᓂᒃ ᓴᓇᙳᐊᖅᑕᐅᓯᒪᔪᑦ, ᓇᑦᑏᑦ ᕿᓯᖏᑦ ᐊᒻᒪ ᓂᖀᑦ, ᐊᒻᒪᓗ ᐃᒪᕐᒥ ᐴᖅᑲᖅᓯᒪᔪᓂᒃ, ᓇᑖᕐᓇᓂᒃ ᐊᒻᒪ ᐃᖃᓗᖕᓂ ᐃᖃᓗᓕᕆᕝᕕᒃᓴᓂᒃ, ᐊᖑᓇᓱᖕᓂᕐᒥᒃ ᐊᒻᒪ ᐱᖁᑎᒃᓴᓂᒃ ᓴᓇᕙᓪᓕᐊᓂᖅᒥᒃ). ᐱᑕᖃᕆᐊᖃᕐᒥᖕᒪᑦ ᓯᒡᔭ ᐱᐅᔪᓐᓃᖅᐸᓪᓕᐊᑎᑦᑕᐃᓕᓂᖅᒥᒃ ᐊᒻᒪᓗ ᐱᐅᓯᕚᓪᓕᖅᑎᑦᑎᓂᖅᒧᑦ ᖃᐅᔨᓴᕐᓂᖅᒥᒃ ᐱᕕᑕᖃᙱᓗᐊᕐᓂᖓᓄᑦ ᓄᓇᒥ ᐋᖅᑭᒃᓱᐃᓇᓱᒋᐊᒃᓴᖅ.
ᓴᓂᕋᔭᒃ ᖃᐅᔨᒋᐊᒃᑲᓐᓂᕈᒪᒍᕕᐅᒃ, ᖃᕋᓴᐅᔭᕐᓄᑦ ᐃᓕᓗᒍ ᐅᓇ ᖃᐅᔨᓴᕐᓂᖅᒧᑦ ᖃᓄᐃᓕᖓᓂᖅ.
ᐅᓇ ᓄᓇᙳᐊᖅ ᑕᑯᔪᓐᓇᕐᓂᐊᖅᖢᒍ, ᑕᑯᒋᐊᖅᑐᑦ ᐊᖏᖅᓯᒪᔪᑦ ᐊᑐᖅᑕᐅᓂᖓᓄᑦ ᒪᓕᒋᐊᓕᖕᓂᒃ.
+ ᐊᑯᓂᐅᓂᖏᑦ ᐊᑐᕐᓂᕐᒧᑦ
CRN ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐃᑭᐊᖅᑭᕝᕕᐅᑉ ᐊᑐᐃᓐᓇᐅᓂᖓᓂ ᑕᑯᒃᓴᐅᑎᑦᑎᕗᖅ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᖃᓕᕇᖕᓂᐅᔪᓂ ᑕᐃᑲᙵᓪᓚᕆᒃ ᐊᒻᒪ ᐱᖓᔪᖓᓐᓂ−ᐱᓕᕆᖃᑕᐅᔪᓂᙶᖅᑐᓂ. CRN ᐱᔾᔪᑎᖃᒻᒪᕆᒐᓱᒋᔭᐅᓪᓗᓂ ᐊᒃᓱᕈᕐᓂᖃᕋᓗᐊᖅᑎᓪᓗᒍ ᓇᓗᓇᐃᖅᓯᓂᕐᒥ ᑕᒻᒪᖅᓯᒪᙱᑦᑎᐊᕐᓂᖓᓂ ᑐᓴᒐᒃᓴᐅᔪᓂ, ᑕᐃᑲᙵᓪᓚᕆᒃ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᑕᑯᒃᓴᐅᑎᑕᐅᕗᑦ ᐱᔭᐅᓯᒪᓂᖏᓐᓂ ᐊᐱᖅᓱᖅᑕᐅᔪᕕᓂᕐᓂ, CRN ᑲᒪᒋᔭᖃᙱᓚᖅ ᑕᒻᒪᖅᓯᒪᓂᐅᔪᓄᑦ. ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᖃᓕᕇᖑᓂᐅᔪᑦ ᐊᓯᔾᔨᖅᑕᐅᔪᓐᓇᙱᓚᑦ, ᓅᑕᐅᔪᓐᓇᙱᓚᑦ, ᐊᑐᖅᑐᐊᖅᑎᑕᐅᔪᓐᓇᙱᓚᑦ ᐅᕝᕙᓘᓐᓃᑦ ᐊᑐᖅᑐᐊᖅᑕᐅᔪᓐᓇᙱᓚᑦ. ᓯᕗᕐᙵᒍᑦ, ᑎᑎᕋᖅᓯᒪᔪᒥ ᐱᔪᓐᓇᖅᑎᑕᐅᓂᐅᔪᓂ CRN−ᑯᓐᓂ ᐱᔭᕆᐊᖃᖅᐳᑦ ᓴᖅᑭᑎᑦᑎᓂᐅᔪᒥ, ᐃᔾᔪᐊᖅᓯᓂᕐᒥ ᐅᕝᕙᓘᓐᓃᑦ ᐊᑐᕐᓂᕐᒧᑦ ᐃᓗᓪᓕᖅᓯᒪᔪᓂ ᑐᓴᒐᒃᓴᓕᐊᖑᔪᓂ. ᖃᐅᔨᒋᐊᕐᓗᑎᑦ ᐃᓚᒋᔭᑦᑎᓐᓂ ᐱᓕᕆᖃᑎᒌᒃᑐᖁᑎᑦᑎᓐᓂ ᑐᓴᕆᐊᒃᑲᓐᓂᕈᓐᓇᖅᑐᑎᑦ.
ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᑭᒡᒐᖅᑐᐃᑐᐃᓐᓇᖅᐳᑦ ᐊᔾᔨᓕᐊᖑᔪᒥ ᖃᖓᐅᓂᖓᓂ ᐊᒻᒪ ᓄᓇᓕᖕᓂ ᐊᖏᖅᓯᒪᓂᖃᙱᓚᖅ. ᑕᐃᒪᐃᓐᓂᖓᓄᑦ, ᐅᓇ ᑕᒪᒃᑭᐅᒪᔪᒥ ᓇᐃᓴᖅᑕᐅᓯᒪᓂᖃᙱᓚᖅ ᑕᒪᒃᑭᓂ ᓯᒡᔭᖅᐸᓯᖕᓂ ᐊᑲᐅᙱᓕᐅᕈᑕᐅᔪᓂ ᐃᓗᐊᓂ ᓄᓇᕗᒻᒥ. ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐱᒋᔭᐅᕗᑦ ᓄᓇᓕᖕᓂ ᐊᒻᒪ ᐊᐱᖅᓱᖅᑕᐅᓂᑯᓂ ᑐᓂᓯᓚᐅᖅᑐᓂ ᑐᓴᒐᒃᓴᓕᐊᖑᔪᓂ ᐊᒻᒪ ᐊᑐᖅᑕᐅᔪᓐᓇᙱᓚᑦ ᑕᒪᒃᑭᐅᒪᔪᒥ ᐅᕝᕙᓘᓐᓃᑦ ᐃᓚᖓᒍᑦ ᑎᑎᕋᖅᓯᒪᓂᑎᒍᑦ ᐱᔪᓐᓇᖅᑎᑕᐅᓂᖃᕐᓗᓂ ᑭᓯᐊᓂ CRN−ᑯᓂ ᐅᕝᕙᓘᓐᓃᑦ ᒪᓕᒃᑐᒥ ᓄᓇᓕᐅᔪᒥ. ᐊᑐᕐᓂᖅ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐃᓇᖏᖅᓯᙱᓚᖅ ᒪᓕᒐᑎᒍᑦ ᐅᕝᕙᓘᓐᓃᑦ ᐱᔭᕆᐊᖃᕋᓱᒋᔭᐅᔪᓂ ᐱᓕᕆᐊᒃᓴᓂ ᑐᓴᐅᒪᑎᑦᑎᖃᑦᑕᐃᓐᓇᕐᓂᕐᒧᑦ. CRN ᐱᓕᕆᓲᖑᕗᑦ ᓴᐳᔾᔨᓯᒪᓂᕐᒧᑦ, ᐋᖅᑭᐅᒪᑎᑦᑎᓂᕐᒧᑦ, ᑎᑎᕋᖅᐸᓪᓕᐊᓂᕐᒧᑦ ᐊᒻᒪ ᐅᖃᐅᓯᕆᓗᒋᑦ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐱᕚᓪᓕᕈᑕᐅᓂᐊᕐᓗᑎᒃ ᓄᓇᕗᒻᒥᐅᓄᑦ.
ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐃᑭᐊᖅᑭᕝᕕᐅᑉ ᐊᑐᐃᓐᓇᐅᓂᖓᓂ ᐃᓗᓕᖃᖅᐳᖅ ᑲᑎᖅᓱᖅᑕᐅᓯᒪᔪᓂ ᖃᐅᔨᒪᓂᐅᔪᓂ 160−ᓂ ᐊᔾᔨᐅᙱᑦᑐᓂ ᐃᓄᑐᖃᕐᓂ, ᐊᖑᓇᓱᒃᑎᓂᑦ ᐊᒻᒪ ᐊᓯᖏᓐᓂ ᓯᒡᔭᖅᐸᓯᖕᒥ ᐃᑲᔪᕈᑎᒃᓴᓄᑦ ᐊᑐᖅᑎᐅᔪᓄᑦ. ᑕᐃᕙᕗᑦ ᑎᑎᕋᖅᑎᐅᔪᓂ “ᐅᖃᐅᔾᔨᔨᐅᔪᓂ” ᐃᓕᓴᖅᓯᓂᕐᒧᑦ ᖃᐅᔨᒪᔨᕐᔪᐊᖑᓂᖏᓐᓂ ᐱᓕᕆᐊᕆᕙᒃᑕᖏᓐᓂ, ᑕᐃᒪᓐᓇᑎᑐᑦ ᖃᐅᔨᓴᖅᑏᑦ ᑕᐃᒪᐃᒻᒪᑕ. ᐃᓕᓴᖅᓯᕗᒍᑦ ᐊᒻᒪ ᖁᔭᓕᕗᒍᑦ ᑕᒪᒃᑭᓂ ᐅᖃᐅᔾᔨᔨᐅᔪᓂ ᐃᑲᔪᕐᔪᐊᕐᓂᕆᔭᖏᓐᓂ ᐱᓕᕆᐊᒃᓴᐅᔪᒧᑦ ᐊᒻᒪᓗ ᐃᖏᕐᕋᐃᓐᓇᕐᓂᐅᔪᒥ ᐱᖅᑯᓯᑐᖃᖅᑎᒍᑦ ᐊᒻᒪ ᓄᓇᓕᖕᓂ ᖃᐅᔨᒪᓂᐅᔪᓂ ᓄᓇᕘᑉ ᐃᓗᐊᓂ.
+ ᖃᓄᖅ ᕿᒥᕐᕈᓂᕐᒧᑦ ᐆᒪᙵᑦ ᓄᓇᙳᐊᒥᒃ
ᕿᓂᕐᕕᒃ ᐊᒻᒪ ᖃᓄᐃᑉᐸᓚᐅᕐᓂᖓᓂ: ᖁᓛᓂ ᓴᐅᒥᖕᒥ ᑎᕆᖅᑯᐊᓂ ᓄᓇᙳᐊᑉ ᐃᒐᓛᖓᓂ, ᑕᑯᓂᐊᖅᐳᑎᑦ ᓇᕿᑦᑕᕆᐊᓕᖕᒥ [»]−ᒥ ᓇᓗᓇᐃᒃᑯᑕᕐᒥ. ᓇᕿᓪᓗᒍ ᓇᕿᑦᑕᕆᐊᓕᒃ, ᖃᓄᐃᑉᐸᓚᐅᕐᓂᖓ ᐊᖏᒡᓕᒋᐊᕐᓂᐊᖅᐳᖅ. ᑕᑯᓂᐊᖅᐳᑎᑦ ᑎᑎᕋᖅᓯᒪᓂᐅᔪᒥ ᓄᓇᙳᐊᑉ ᖃᓕᕇᖕᓂᐅᔪᓂᑦ, ᐊᑐᓂ ᓇᓗᓇᐃᖅᓯᕐᕕᓕᖕᒥ ᐊᒻᒪ [>]−ᒥ ᓇᕿᑦᑕᕆᐊᓕᖕᒥ. ᓇᓗᓇᐃᖅᓯᕐᕕᖓ ᐃᓕᖕᓂ ᐱᔪᓐᓇᖅᑎᑦᑎᕗᖅ ᓂᕈᐊᖅᓯᓂᕐᒥ ᐊᒻᒪ ᓂᕈᐊᕈᓐᓃᕐᓂᕐᒧᑦ ᖃᓕᕇᖕᓂᐅᔪᒥ ᑕᑯᒃᓴᐅᓂᖓᓂ. [>] ᓇᕿᑦᑕᕆᐊᓕᒃ ᐊᖏᒡᓕᒋᐊᕐᓂᐊᖅᐳᖅ ᖃᓕᕇᖑᔪᒥ ᓇᓗᓇᐃᒃᑯᑕᖓᓐᓂ. ᖃᓄᐃᑉᐸᓚᐅᕐᓂᖓᓐᓂ ᑭᓱᑐᐃᓐᓇᐃᑦ ᓯᐊᕐᓇᐅᓂᐅᔪᑦ ᐱᔭᕆᐊᖃᖅᑎᑦᑎᕗᖅ ᐊᖏᒡᓕᒋᐊᖅᑎᑦᑎᓂᕐᒥ ᓴᖅᑭᑦᑐᓐᓇᕐᓂᕐᒧᑦ. ᖃᖓᑦᑕᖅᑎᑕᐅᓯᒪᔪᓂ ᑕᑯᒃᓴᐅᓂᐅᔪᑦ ᖃᓕᕇᖕᓂᐅᔪᓂ ᖃᓕᕇᖕᓂᑐᐊᖑᕗᖅ ᓂᕈᐊᖅᑕᐅᓯᒪᙱᑦᑐᒥ ᖃᕋᓴᐅᔭᑎᒍᑦ ᓂᕈᐊᖅᑕᐅᓯᒪᕙᒌᕐᓂᐅᔪᒥ. ᓂᕈᐊᕐᓗᒍ ᓇᓗᓇᐃᖅᓯᕐᕕᖓᓂ ᐱᔪᓐᓇᖅᑎᑦᑎᓂᕐᒧᑦ ᖃᖓᑦᑕᖅᑎᑕᐅᓯᒪᔪᓂ ᑕᑯᒃᓴᐅᓂᐅᔪᑦ ᖃᓕᕇᖕᓂᐅᔪᓂ. ᐃᔨᖅᓯᓂᕐᒧᑦ ᖃᓄᐃᑉᐸᓚᐅᕐᓂᖓ, ᓇᕿᓪᓗᒍ [«] ᓇᕿᑦᑕᕆᐊᓕᖓ ᖁᓛᓂ ᑕᓕᖅᐱᖕᒥ ᑎᕆᖅᑯᐊᓂ ᖃᓄᐃᑉᐸᓚᐅᕐᓂᖓᑕ ᐃᒐᓛᖓᓂ.
ᓇᓗᓇᐃᒃᑯᑕᐃᑦ: ᖁᓛᓂ ᓴᐅᒥᖕᒥ ᑎᕆᖅᑯᐊᓂ ᓄᓇᙳᐊᑉ ᐃᒐᓛᖓᓂ, ᓇᓂᓯᓂᐊᖅᐳᑎᑦ ᑲᑎᙵᓂᐅᔪᓂ ᐱᖓᓱᓂ ᓇᕿᑦᑕᕆᐊᓕᖕᓂ: ᐊᖏᒡᓕᒋᐊᖅᑎᓪᓗᒍ [+]−ᒥ, ᐊᖏᕐᕋᒧᑦ [ ], ᐊᒻᒪ ᒥᒃᖠᒋᐊᕐᓗᒍ [-]. ᐊᖏᒡᓕᒋᐊᕈᑎ ᐊᒻᒪ ᒥᒃᓕᖠᒋᐊᕈᑎ ᓇᕿᑦᑕᕆᐊᓕᖏᑦ ᐊᓯᔾᔩᓂᐊᖅᐳᖅ ᐊᖏᓂᖓᓂ ᓄᓇᙳᐊᒥ ᑕᑯᒃᓴᐅᓂᖓᓂ, ᑕᐃᒫᒡᓕ ᐊᖏᕐᕋᒧᑦ ᓇᕿᑦᑕᕆᐊᓕᖓ ᐋᖅᑭᒋᐊᖅᓯᒃᑲᓐᓂᕐᓂᐊᖅᐳᖅ ᓄᓇᙳᐊᑉ ᐊᖏᓂᖓᓂ. ᒪᕐᕈᐃᕐᓗᒍ−ᓇᕿᑦᑎᓂᕐᒥ ᐃᓂᐅᔪᒥ ᓄᓇᙳᐊᒥ ᐊᖏᒡᓕᒋᐊᖅᑎᑦᑎᓂᐊᖅᐳᖅ ᑕᐃᑯᖓ ᐃᓂᖓᓄᑦ. ᕿᒥᕐᕈᓇᕐᓂᕐᒧᑦ ᑕᑯᒃᓴᐅᓂᐅᔪᓂ, ᑎᒍᓗᒍ−ᐊᒻᒪ−ᐅᓂᐊᕐᓗᒍ (ᓇᕿᓪᓗᒍ−ᐊᒻᒪ−ᕿᒥᕐᕈᓗᒍ) ᒪᐅᔅᓂᒃ ᐅᕝᕙᓘᓐᓃᑦᐊᒃᑐᕆᐊᓕᒃ ᐊᐅᓚᔾᔪᑎᖓᓂ ᐱᓕᕆᔾᔪᑎᖓᓐᓂ ᓄᓇᙳᐊᒃᑯᑦ.
ᓴᖅᑭᕝᕕᐅᓲᖅ ᐃᒐᓛᖅ: ᐃᓚᖏᑦ ᑕᑯᒃᓴᐅᓂᐅᔪᑦ ᓄᓇᙳᐊᑉ ᐃᓗᐊᓂ ᐱᓕᕆᖃᑎᒡᒋᒍᓐᓇᖅᐳᑦ. ᓇᕿᑦᑎᒍᕕᑦ ᑕᑯᒃᓴᐅᓂᐅᔪᒥ (ᐊᐃᑳᓐ), ᓴᖅᑭᕝᕕᐅᓲᖅ ᐃᒐᓛᕐᒥ ᐃᓕᖕᓂ ᑕᑯᑎᑦᑎᓂᐊᖅᐳᖅ ᑐᓴᐅᒪᔪᑎᒃᓴᓂᑦ ᐱᔾᔪᑎᖃᖅᑐᒧᑦ ᑕᐃᔅᓱᒧᖓ ᑕᑯᒃᓴᐅᓂᐅᔪᒥ.
ᕿᒥᕐᕈᓗᒋᑦ ᓄᓇᓖᑦ: ᓄᓇᙳᐊᑉ ᐊᑖᓂ ᑲᓱᕐᕕᐅᕗᑦ ᐊᑐᓂ ᓄᓇᓕᖕᓄᑦ. ᓄᓇᓖᑦ ᑲᑎᙵᓂᖃᖅᐳᑦ ᐊᓪᓚᕝᕕᓕᕆᓂᕐᓄᑦ ᐊᕕᒃᓯᒪᓂᐅᔪᓄᑦ. ᓇᕿᓪᓗᒍ [+] ᓇᕿᑦᑕᕆᐊᓕᖕᒥ ᐊᑐᓂ ᐊᕕᒃᑐᖅᓯᒪᓂᐅᔪᓂ, ᓄᓇᓕᐅᑉ ᐊᑎᖏᑦ ᓴᖅᑭᓐᓂᐊᖅᐳᑦ. ᓇᓗᓇᐃᕈᑦ: ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᐃᓚᖏᓐᓄᑦ ᓄᓇᓕᖕᓄᑦ ᒫᓐᓇᐅᔪᒥ ᐊᑐᐃᓐᓇᙱᓚᑦ.
Hall Beach in Winter